Back Pieterpad Catalan Pieterpad English Pieterpad Estonian Pieterpad Italian Pieterpaad LI Pieterpad Dutch
La Pieterpad (Petropado) (LAW 9) estas la plej konata promenitinero de Nederlando. La itinero kondukas de Pieterburen ĉe la vadobordo al la Sint Pietersberg (Sankt-Petromonto) apud Maastricht kaj havas longon de 492 kilometroj, subdividita en 26 etapoj. La itinero kondukas tra la plej diversaj pejzaĝoj. Sur ĉiu etapo preskaŭ ĉiutage laŭiras promenantoj de la Pieterpad.
La pado ekzistas ekde 1983 kaj estas projektita de Toos Goorhuis-Tjalsma el Tilburg kaj ŝia amikino Bertje Jens el Groningen. Ĝi estas prizorgata de laborgrupo.
La Pieterpad estas markita per la internacie konata blank-ruĝaj markoj de long-distanca-promenpado kaj estas detale priskribita en du Nivon-promengvidiloj.